காதல் கேள்வி

தூர தேசத்தில்

தூக்கம் துறந்து - உன்

துன்பத்தில் துடித்து
தோள் கொடுத்து 

தன் வாழ்வை உன்னிடம் 

தந்தவளை 

துச்சம் என நினைத்தாயோ ?

தூக்கி எறியத் துணிந்தாயோ?

பல காலம் 

பகல் இரவு பாராமல் 

பேசித் தீர்த்த காதல் அன்றோ ? -இன்று 

பேசித் 'தீர்ந்த' காதல் ஆனதோ ?

                           

Source: cartelthemes.com

கண்ணின் கடைசி துளி நீர் கறைய
காதல் பெருக்கெடுத்து
கை பிடிப்பேன் என்று
கட்டி முத்தமிட்டவளை
கத்திக் கூச்சலிடாமல்
கை விட நினையாமல்
காப்பவன் அன்றோ  காதலன் ?

கண்ணீர்  மல்க
கால் கடுக்கக்  காத்திருந்து
கையேந்த  வைப்பதற்கோ
கெடு கொடுத்தாய் ?

கண்டு  வருவதல்ல காதல்
காணாமல் கண் துடிப்பதுவே காதல் !