தேடல்

மண்ணுக்குள்ளே தேடு மணிவைரம் கிடைக்கும்

மனதினுள்ளே தேடு உன் திறமை கிட்டும்

கண்ணுக்குள்ளே தேடு கண்மணி தெரியும்

கனவினுள்ளே தேடு உன் இலக்குப் புரியும்

ஊருக்குள்ளே தேடு உத்தமர் பலர் உளர்

உன்னுள்ளே தேடு உண்மைகள் பல உள

உன் கனவுகளும் இலட்சியங்களும் தகர்க்கப்படும் போது

சிதைவுகளுக்கிடையே தேடு

இடிபாடுகளுக்குள்ளே புதைந்திருக்கும்-ஒரு

பொன்னான வாய்ப்பு உன் கண்ணில் படும்

தேடு...தேடு...

தேடிக்கொண்டே இரு

எல்லா இரவும் விடியும்

உன்னால் எதுவும் முடியும்